Ej tam U Żida w gospodzie
O pisoar je oprzity
Stary pulyr, tyn co bywo
Każdodziynnie jak wieprz zpity
Eszcze daleko mo ku tej
Co smyko z sebóm kosisko
O czornóm ściane ociyro
Czyrwóne z chlastu nosisko
A zpod niego wychodzajóm
Skrzeki, zdać se że na prózno
Każdy, kdo tam prawie przidzie
Delirium - tremens uzno
Lewóm rynkóm se oganio
Koło sebie a nagłos wrzeszczi
Niepamiyncesz, jak ślubiłaś
Że dokuczać niebejesz mi
Jo je sice dobrak człowiek
Ale odtyl potyl yny
Jak hned tustyl niewypadniesz
Tak koledzy nie bedymy
A tu yny mucha bzuczi
Aha - tak s nióm tu je zwada
Także człowiek, kiery pije
Niemusi jeść ani gada
Zaczarowanego z bajki
O Zlatovlásce a złym królu
Starczi yny kapke wiyncej
Hołdy wzdować alkoholu
Aby rozumieć zwiyrzacek rzeczi
Much, pajónków, ryb a ptoków
Kóni, byków, krów a świni
A alkoholu otroków
© Tomáš Tomanek
(září 87)
|
