Tunelopad
Listopad straszi za oknym
Gołe od liści strómy
Pocucujyym se herbate
A dolywóm jóm rumym
Wspóminóm jak było w Kuchyni
U Malacek, kaj żech słóżił
Był to dość drsny parawycwik
Aj Breżniew wtedy umrził
No to był zahul, aj tyn strach z wyszki
Mój piyrwszi Wojokopad
Na pietnim aktu przeskuje hymna
Zaczino Sowietopad
Listopad straszi za oknym
Gołe od liści strómy
Posorkujym ósmóm herbate
Isto z dziewióntym rumym
Wspóminóm jak my growali
Na niejednym foru, mitingu
Na hrziszczu, w hospie, w diwadle
W hali , albo aj na rynku
A ludzie z nadszynim skandowali hesla
Gdo mo iść kajsi, gdo na hrad
Drżeli społu, dzwónili kluczami
A był tu Kómunistopad
Listopad straszi za oknym
Gołe od liści strómy
Jo żech je przeherbatowany
A też aj na dnie z rumym
Wszecko mi idzie pómali
O bierłach coch robił hónym
Sem tam mi wypadnóm z rynki
Można to je aj umym
Na Mostach naprzikład kopali tunel
A też tam zrobili przehmat
Tak bych doł tymu latośnimu miano
Bierłopad, Tunelopad
© Tomáš Tomanek 2009
|
