HOME | HISTORIE | DISKOGRAFIE | FOTOGALERIE | SLOVNÍK | KONTAKT  



               
AKTUALITY      VZKAZY   
DISKOGRAFIE  |  TEXTY

Obrozki

Na ścianie nóm wiszóm barewne obrozki
Na szkle malowane z Ulicy Polski
Wyrazimy do ni z rynku od Myntelki
Głowato przewraco rumek wielki
Mijómy masarnie zwanóm u Paździory
Masorz pan Matuszny tam rómbie do miynsa
A jak żech był malutki, tak mi ukrajoł
Kółeczko wórszteczku albo szónki

Naproci w kasie nawyrchu bywała
Pani Wertwainowo na drugim piyntrze
W kibelkach żech ji wynoszoł brykety
Zagrzoł żech se przi tym wiyncej, niż by mie zagrzoły

A wedla na stówce bywoł szewc Słowiaczek
Mój dziadek a babcia, też aj moja mama
Kiero tam wyrosła z siostrami, bratami
A nieskorzi tam bywali aj my
U Peřinów w oknie luftujóm pierziny
A wedla u szklorza tam ramujóm sziby
W skryncie zaś stoji dóm Byčanskich, Barcika
Starce mówióm Omka, im sie ónika

Uż my sóm U Lipki, jak my bywali
Tamstyl móm piyrszi dziecki wspóminki
Dokuczóm patykym przez płot Barikowi
Ón mie na zogrodzie ugryz w dupe, w nogi

Kościej pod schodami lepi swoje koło
A staro Łyskula wylynkano woło
Gupi synek strzylo! Jo przed nióm uciekóm
Boch tam odpolił szruby ze siaróm
A pani Frankowo, ta ze starej poczty
Sie fórt z nami wadzi, że my sóm moc głośni
Pry sie ji śmiejymy, chowiymy sie ku ni
Jako sómsiedzi niewłośni

U Kostelnoszków tam były mejdany
Zakazowane owoce dobrze szmakuje
Pikowe kamratki, to były klasy
Haliny, Kasie, Ule, Jole, Sonie a Dany

Zapómnioł jo jeszcze na przejazd do dwora
Jak była pradelnia a miyszkoł Kobiela
Mieli wnuków z Trzyńca, dziwnie sie bawili
Czesław pojdź na łónke, koguta chwycimy!
Miyndzy staróm pocztóm a Kaczmarzikami
Je cesta z plazioków, co wiydła pod rynek
Tam Dupek Szkandera zaparkowoł Prage
Zeman na dwórku mo nieporzóndek

A dali kancnaryj doktora Hanaka
A przez ceste do kopieczka, jak sie szło na Pola
Mamusia sie pyto swoji Leneczki
Ile ci kupić ostrawaczków moja Lalusiu?

A tam u Wiszczora pod jejich oknami
Stowali feszacy nie z naszi ulice
Chcieli być zajmawi, tak nagłos byrkali
Że ty dzieuchi zbalóm, myśleli se
Jeszcze jedna zkratka do Młynski Ulice
Wiydła przed Ryłkami a sóm my w trianglu
Jak sie nóm ulice schodziły dokupy
Na Browar do sklepu na nakupy

Nanuki liżymy na schodach Nabytku
Roz my aj grali czare z fuzbalistami
Z prażski Bohemki, bo mieli poruche
Autokaru, tak se z nami krócili czakani

U Czytelnie my grali na placu kuliczki
Chybali kóniowi po czimsi kamyczki
Grali se na lajdy, skrywki a na szipki
Z dómu uciekali od polywki
Za Czytelnióm w zogrodzie bywały wianki
Widziołch grać Bidony, zażitek fakt wielki
Szkoda że na ulicy Rudej Armády
Bolszewik dopuścił sie tej zrady

Bagry, buldozery, ciynżko technika
Kaj je stary Jabłónków, kaj romantyka?
Cosi zostało w sercu, w pamiynci
Pómogajóm nóm w Bejrutu nie zapómnieć świynci

Na ścianie mi wiszóm barewne obrozki
Na szkle malowane z Ulicy Polski
Czi z Rudej Armády przepieknej uliczki
Sprubowoł żech to dać do pieśniczki

© Tomáš Tomanek 2014

Povídky, básničky a zápisky Tomáše Tomanka

Tomášovy básničky (57 kB)

Od Vánoc po vaječinu (2005-2006) (100 kB)NOVÉ

Rekreopis jesenický (203 kB)NOVÉ

Roháče nejsou koláče (139 kB)NOVÉ

Chaos (134 kB)

Baby a zabawy (153 kB)

Kanikuly (89 kB)

Muráň II (263 kB)

Muráň (263 kB)

Visagino Country 2005 (61 kB)

Basking (hraní do futrálu) (140 kB)

Cestopis "Australský sen" (237 kB)

Jahody (73 kB)

Transylvánie (100 kB)

Postrach Beskid (34 kB)

Obyčejný víkend (46 kB)

V pasti (27 kB)

Deka (28 kB)

Dunajec (31 kB)

V autobuse (21 kB)

Bydź hodny! (43 kB)

Těžké sny (39 kB)

Moje první pracovní oslava (54 kB)

Vždyť to vidím... (35 kB)

Opuštěný pes (33 kB)

Lietuva (72 kB)

Pozdrav z Anglie (63 kB)

Dohmat (169 kB)

Rozhovor v ČR Ostrava - Wydarzenia (24.7.2015)
Počet přístupů: Statistiky těchto stránek