Stróm
Nie rzeżcie gorole tu tego strómu
Bo ón sie w tym lesie ubrónił hrómu
Dejcie mu gorole pokój tu świynty
Bo ón wóm rozbije głowy i piynty
Ale idź, nie drzistej ty gupi robsko
Co ty wiysz, jako je robota chłopsko
Gorole rzezali, przi tym sie śmioli
Od rzezin ze strómu byli aż bioli
Stróm cały przerżóni, nie rusził sebóm
Gorole wołali, no co je z tebóm?
Czi myślisz, że cie znów rozrzezać trzeba
Śmioli sie a potym pojedli chleba
Ostatní kónszcziczki gdyż każdy zjodoł
Stróm na nich pómału spuszczoł sie, siodoł
Aniż gdo wykrziknył, był kóniec śmiychu
Wszeckich jich zalegnył, naroz, pocichu
|
