Żabki
Skokały dwie żabki ku plósku aj zpatki
Zamoczały sobie zielóne galatki
Jedna drugi powiadała, kwak kwak, że sie wykómpała
Była ale kalno woda, kwak kwak żabko szkoda, szkoda
Pójmy ku potóczku hop, hop polehućku
Bedymy sie kómpać wieczór przi miesiónczku
Czako na nas rybka, raczek, hastrmanek Mokry Fraczek
W potóczku je czisto woda, kwak kwak to bedzie wygoda
Spadnyły dwie rybki z mroków na wyhybki
Cugi sie zderziły, wytrzaskały szibki
Chwałabogu sie żodnymu nic nie stało, yny mało
Rybki schły miyndzy szwelami, stały sie uzenaczami
Pozwała wewiórka na kawe kocurka
Dosz se kapucino, neske albo turka?
Zapła szniure od warzicza a potym jak u holicza
Zplotkowały cały las, Europe aż Las Vegas
Kukukuku kukuczka oblatuje gniozdeczka
Nic jóm niefascynuje, że sie już tam jinszi kluje
Kosy, sojki, pienkawice – Bratislava, Vizovice
Kładzie sie tam swoje wajca, to je ale ptoszek zdrajca
Domówiły sie dwa jeżki, że pujdóm na bieżki pieszki
Aż do lesoparku a tam se dajóm do karku
Bukwiczówke, kastanówke, żołyndziówke, papruciówke
Sciopali se jak dwo mali, we śniegu se wyzolali
Kukały dwie szłapki se do automapki
Jak tu z Kocobyndza na Rozvadov a zpatki
Chcóm sprubować konkurence, bo słyszały, że Irence
Se tam przeogrómnie darzi, szikowniejsi sóm aj szandarzi.
© O. Žabka
|
