Ahoj
We Szczecinie na molu my śpiywali w D mollu
Holahej - holahou, kapitan dyrygowoł
Jacht Toulavý Husita, nasz kapitan je z Trzyńca
Holahej - holahou, co se to za wszi nabroł?
Niż my se nałodzili, bagly w kajucie złożili
Holahej - holahou, każdy z nas moc tego mioł
Hned z rana my wypluli, płachty na stěžniu napnóli
Holahej - holahou, wiater ze zadku fukoł
Wycióngła se butylka, pluli my na motylka
Holahej - holahou, fórt wiater dobrze fukoł
Na Neptuna na Odre, przipić na wszecko dobre
Holahej - holahou, niebo nad nami modre
Płynie żagiel z płachtami miyndzy bojkami, siciami
Holahej - holahou, każdy se to użiwoł
Bacha, nie jedź do sici, bo bedymy w pruseru
Holahej - holahou a od rybaków po ptokach
Wprawo Polska, wlewo Deutsch, ucz sie wynzły a nie foć
Holahej - holahou a proci wiatru nie mocz
Lanoví a ráhnoví, kosatka a posádka
Holahej - holahou, dlo nas żodne deja vu
W Trzebieżu my na lana zakotwili do rana
Holahej - holahou, kotwa w przistawu sotva
Nie sledujym namierniki, boch dostoł chynć na pierniki
Holahej - holahou, do mielczinch kormidlowoł
Uż se mosty dźwigajóm a auta nas puszczajóm
Holahej - holahou, zdrowimy - Ahoj! Ahoj!
W Rankwitzu wszecki serwirki sóm starszi babki bez szpyrki
Holahej - holahou, nimiecki leżak szmakowoł
Wiater żodny, płachty dołu, tak płynymy na motoru
Holahej - holahou, na przidzich na huślach groł
A w nimieckim Wolgastu nakupisz łacni niż tu
Holahej - holahou, w jabłónkowskim Albertu
Dalszóm noc my w Peenemünde u ponorki przespali
Holahej - holahou, ruski U-Boot a jo sie boł
Byli my aj we fabryce, kaj sie rakety V-Zwei
Wywijały - holahou, żodyn z radości nie śpiywoł
Stoła tam aj elektrownia, po nimiecku Kraftwerk
Chwałabogu - holahou, że Hitler wojny nie wygroł
Płynymy po otwartym Bałtyku na ostrow Ruden
Holahej - tela kormoranów żech nie widzioł
Ani we swojim żiwocie, ani żech tela w robocie
Holahej - holahou, zakazek nigdy nie nagroł
Był kiejsi wtip, że ni ma miynsa w Polsce, bo ni ma
Świnoprzyjścia - hola hou, port w Świnoujściu nas witoł
Noc a dziyń my tam strowili, na plażi sie okómpali
Holahej - holahou, chwilkech we wodzie wydrżoł
Szczecinskim Zalewym już wpływómy do Trzebieża
Holahej - holahou, każdy z nas to tam uż znoł
Raztokóm Odrzańskóm a Kanałym Polickim
Holahej - holahou, proci wiatru a deszcz padoł
Uż my sóm we Szczecinie, doczce dzisio dwacet je
Holahej - holahou, orzeł nad głowóm lotoł
Ostatni posiedzyni w kajucie na rozłónczyni
Holahej - holahou, sómsiad z łódki nóm wykłodoł
Co z Legióm Francuzkóm w czornej Afryce robili
Holahej - holahou, słyszeć bych wóm to nie przoł
Przez Polske już po suszi mijómy mega Krystusa
Holahej - holahou, pómbóg zapłac - Ahoj! Ahoj!
|
