Lalka
W dziedzinie je masarnia dobrze zasobowano
Łacnóm wieprzowinóm, boczkym aj preswórsztym
Podgarlinóm, świyczkóm, jelitami, jatrówkóm
Możecie se aj kupić do bańki pyrdelónki
Je to fajne…
Przijechała pani z Beskid do bardzo dalekigo miasta
Szła koło bazaru a tu sie dziwo do auslagi
Widziała tam wystawiónóm ji moc dobrze znómóm lalke
Co była jedyno na świecie, bo jóm sziła óna sama
Dała jóm swoji cerzi do tróhełki, jak ji umrziła
Bo była bobeczek ciynżko nimocno
Je to tu złe…
Pani se nie podobało teda to z tóm lalkóm wubec
Wlazła do bazaru spytać se, jako ku ni prziszli
Przekupnik twierdził, że nie śmiy udać dodawatela
A tak szła na policajty a zaczła ciść na piłe
Wykopali gróbek, otworzili tróhełke
W tróhełce nie było ganc nic, ani tej dzieuszki
Ani jejich szateczków, ani tej laleczki
No to je teda straszne! Co se o tym pomyśleć
Je straszne…
Kryminalka rozjechała wielkóm exhumacyj
Otwiyrali grób za grobym a grób wedla grobu
Tróhły były prózne, ganc bez niebożczików
Nie było tam ani jejich obleczyni
Tak zebrali do parady kopidoła z rodzinóm
A zjiścili, że majóm za kopcym wielki statek
Na tym statku kupa świni a czim też jich wykormujóm?
Jak w piwnicy sóm wielki kotły a w nich sie woda warzi
Buble to tam…
A teraz nie wiym, czi mo cyne wracać se ku piyrwszi sloce
Że w dziedzinie je masarnia dobrze zasobowano
Podgarlinóm, preswórsztym, jatrówkóm a jelitami
A tak wóm raczi zabuble, solo na banjo Buble
|
