Ty same songi
Pry uż grómy dłógo fórt ty same songi
Ubekujóm fanoušcy aj syncy z kapele
O czim tu ale pisać, jak uż je wszecko napisane
Tak napisz trzeba wole o elektrokole
Kupa cyklistów go odmito, bo se czujóm młodzi
Kupa cyklistów go nie kupi, bo je dlo nich drogi
Potym cie ale przekwapi hlaszka, jak uż go mosz
Ni ma żeś już, coś bywoł, ale elektrykorz
Pry uż grómy dłógo fórt ty same songi…
Napisz waryjocie cosi o robocie
W robocie sie robi, mało sie zarobi
W robocie sie haruje, na internetu surfuje
W robocie sie wychybuje, w robocie sie przibiyro
W robocie sie marodzi a nikiedy aj umiyro
Pry uż grómy dłógo fórt ty same songi…
Tak napisz ty debilu cosi o mobilu
Mobil umiy mówić, mobil umiy dzwónić
Mobil cie może aj wirtualnie pogónić
Mobil pisze esemeski niepiekne aj hezki
Mobil cie aj nawiguje a bez sygnału wyszachuje
Pry uż grómy dłógo fórt ty same songi…
Tak napisz ty draniu cosi o zagibaniu
Zagibajóm lesby, zagibajóm geje
Zagibajóm dyrektorzi, też aj sekretarki
Zagibajóm manżele, zagibajóm manżelki
Yny jo nie zagibóm, bo bych mioł pruser wielki
Pry uż grómy dłógo fórt ty same songi…
Tak napisz ty demencie cosi o abstynencie
Abstynentym żech był do szesności roków
Abstynowoł żech skoro dwa roki na wojnie
Abstynentym żech był, jak mie covid mordowoł
Suchi luty aj suchi marzec też żech absolwowoł
Pry uż grómy dłógo fórt ty same songi…
Tak napisz trzeba błoźnie cosika pobożnie
Koran mo Allaha, Biblia mo Boga
Po śmierci na sprawiedliwość beje jedna woga
Wiare umióm znieużić niedobrzi politycy
A wy, co im to żerecie, tak ście sóm gupi wszicy
Pry uż grómy dłógo fórt ty same songi...
Fórt dokoła, fórt dokoła, fórt dokoła, fórt dokoła...
© Tomáš Tomanek
|
